Shfaqja “Kosovo for dummies“ e autorit Jeton Neziraj, në regji të Johannes Mager do të shfaqet për katër netë radhazi edhe në Kellertheater në Winterthur të Zvicrës, duke filluar nga sonte deri më 5 mars.

“Kosovo for dummies“, është shfaqur me shumë sukses në Bern, Zurich e Lucern, Prishtinë, Tiranë, Ferizaj e Tetovë dhe po ashtu edhe në Festivalin Ndërkombëtar të Teatrit Bashkëkohor euro-scene Leipzig, në Lajpcig të Gjermanisë.

Në shfaqje luajnë aktorët: Albana Agaj, Gunther Kaindl, Ursula Stäubli, Robert Baranoëski, Nadim Jarrar.

„Kosovo for dummies”, është një komedi e realizmit magjik, që në mënyrë groteske e sureale shtjellon një histori të vogël të një vajze me emrin Antigona, e cila dëshiron të fluturoj bashkë me ëndërrta e saja. Në këtë komedi nuk derdhet as një pikë gjaku, sado që ngjarjet që ajo i shtjellon janë mjaft dramatike, madje-madje, nuk do të eksplodojë as edhe ndonjë bombë, pavarësisht se njëri nga personazhet e shfaqjes është mysliman.